A
A
Արթուր Ալեքսանյանը՝ Եվրոպայի չեմպիոն (տեսանյութ)
Հունահռոմեական ոճի ըմբիշ Արթուր Ալեքսանյանը երկրորդ ոսկե մեդալը նվաճեց Հայաստանի համար Կասպիյսկում ընթացող ըմբշամարտի Եվրոպայի առաջնությունում:
Մեր 97 կգ քաշային ըմբիշը եզրափակիչում 7:0 հաշվով հաղթեց սերբ Միխեիլ Կաջայային եւ աշխարհի չեմպիոնի տիտղոսին ավելացրեց նաեւ Եվրոպայի չեմպիոնի կոչումը:
Հիշեցնենք, որ մինչ այդ աշխարհամասի չեմպիոն էր հռչակվել նաեւ մեր 82 կգ քաշային ըմբիշ Մաքսիմ Մանուկյանը:
Այդպիսով, Հայաստանի հունահռոմեական ըմբշամարտի հավաքականը Եվրոպայի առաջնությունում նվաճեց երեք մեդալ՝ երկու ոսկե, մեկ՝ բրոնզ:
