A
A
Մեքենան տարվում է հատուկ տարածք, եթե վարորդը տեղում չէ. ոստիկանություն
Երթևեկության մասնակիցների համար խոչընդոտ ստեղծող կամ կայանումն արգելված տեղերում կանգնած տրանսպորտային միջոցները տեղափոխվում են հատուկ տարածք, եթե վարորդը տեղում չէ կամ հրաժարվում է վերացնել խոչընդոտը կամ կայանման կանոնների խախտումը: Այս մասին Facebook-ի իր էջում գրել է ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը՝ մեջբերելով «Ճանապարհային երթևեկության անվտանգության ապահովման մասին ՀՀ օրենքի» համապատասխան հոդվածը։ Նշենք, որ Երևանում ընթացող ցույցերը և երթերն ուղեկցվում են քաղաքացիների կողմից ավտոմեքենաներով ճանապարհները փակելու ակցիաներով։