Ռուսաստանի ըմբիշներին թույլ չեն տվել մեկնել ԱՄՆ
Ազատ ոճի ըմբշամարտի Ռուսաստանի հավաքականը չի մասնակցի ԱՄՆ-ում կայանալիք աշխարհի գավաթի խաղարկությանը: «ԱՄՆ դեսպանատանը մեզ չգրանցեցին հարցազրույցի, սակայն խորհուրդ տվեցին մեկնել Հայաստան եւ այնտեղ անցնել այդ գործընթացը: Մենք արդեն ժամանակ չունեինք դրա համար, բացի այդ թիմը կհայտնվեր այնպիսի վիճակում, որ պատրաստվելու փոխարեն ստիպված պետք է զբաղվեր մուտքի վիզայի հարցերով», - ասել է Ռուսաստանի հավաքականի գլխավոր մարզիչ Վալերի Ֆելդշերովը: Ըմբշամարտի միջազգային ֆեդերացիան հայտարարել է, որ Ռուսաստանի հավաքականին փոխարինելու է Մոնղոլիայի թիմը: Ի դեպ, Իրանի հավաքականը նախապես հրաժարվել էր մեկնել ԱՄՆ: Իրանցիներին այդ մրցումներում փոխարինելու են Հնդկաստանի ըմբիշները: Ազատ ըմբշամարտի 2018թ աշխարհի գավաթի խաղարկությունը կկայանա ապրիլի 7-8-ը, ամերիկյան Իովա Սիթի քաղաքում:
