Հրաժեշտ ձախողված հանրապետությանը. «Երկիր Ծիրանի»-ի հայտարարությունը (տեսանյութ)
«Երկիր Ծիրանի» կուսակցության նախագահ Զարուհի Փոստանջյանը այսօր Կառավարության դիմաց հանդես եկավ հայտարարությամբ՝ ցույց տալու այն տնտեսական ճգնաժամը որտեղ հայտնվել է Հայաստանը: Ըստ նրա՝ թանկացումների ֆոնին, մարդկանց սոցիալական ծանր վիճակը երկիրը գցում է հուսահատության մեջ և իրենք շարունակելու են համահայկական ընդվզման շարժումը. « Պետական գանձապետարանում ոսկու պահուստի և այլ թանկարժեք իրերի բացակայություն է, փոխարժեքի տատանումների նկատմամբ բացարձակ անպաշտպանություն: 2018 թվականի պետական բյուջեի հսկայական դեֆիցիտ, որը համալրելու համար օլիգոպոլ կառավարությունը դիմել է ծայրահեղ միջոցների. թանկարժեք իրերի պահուստի ֆոնդի վաճառքի, մի շարք հարկատեսակների դրույքաչափերի ավելացման: 2018 թվականի ավարտին Հայաստանի պետական պարտքը կկազմի 7.2 մլդ: Հայաստանում աղքատության մեջ գտնվող մարդկանց քանակը հասել է շուրջ մեկ միլիոնի: 65 տարեկանից բարձր Հայաստանի Հանրապետության քաղաքացիները կազմում են բնակչության 11%-ից ավելին»,-հայտարարեց Զարուհի Փոստանջյանը:
