A
A
Հայաստան – Բելառուս ֆուտբոլի հանդիպման տոմսերը պատրաստ են
Նոյեմբերի 9-ին Երեւանի «Հանրապետական» մարզադաշտում կայանալիք Հայաստան - Բելառուս ֆուտբոլի ընկերական հանդիպման տոմսերն այսօրվանից արդեն վաճառվում են: Ինչպես տեղեկացնում է Հայաստանի ֆուտբոլի ֆեդերացիայի մամուլի ծառայությունը, ֆուտբոլասերները տոմսեր կարող են ձեռք բերել միայն մարզադաշտի մուտքերի մոտ գտնվող տոմսարկղերից: Նախորդ Հայաստան – Լեհաստան խաղի տոմսերի համեմատ դրանց գները 50 տոկոսով էժան են: Արևմտյան տրիբունայի տոմսերն արժեն 4000-5000 դրամ, Արևելյան տրիբունայինը՝ 3000-4000, Հյուսիսայինը եւ Հարավայինը՝ 2000: Նշենք, որ Հայաստանի հավաքականը Բելառուսի հետ ընկերական խաղով սկսում է նախապատրաստվել Եվրոպայի ազգերի գավաթի նոր խաղարկությանը, որը մեկնարկելու է եկող տարվա սեպտեմբերին: Այն միաժամանակ Եվրո-2020-ի ընտրական փուլերից մեկն է:
