A
A
«Ռեալը» եւ «Բարսելոնան» հնարավոր է փոխանակեն խաղացողներին
Իսպանական ֆուտբոլի երկու գերակումբները՝ Մադրիդի «Ռեալն» ու «Բարսելոնան», գալիք ամռանը հնարավոր է փոխանակվեն խաղացողներով։ Ինչպես նշում է Don Balon հանդեսը, թագավորական ակումբը ցանկանում է ձեռք բերել կատալոնցիների կիսապաշտպան Իվան Ռակիտիչին։ «Բարսելոնայի» ղեկավարությունն իր հերթին անտարբեր չէ «Ռեալի» կիսապաշտպան Իսկոյի հանդեպ։ Եթե կողմերը համաձայնության գան, ապա թագավորական ակումբի միջին գիծը կհիշեցնի Խորվաթիայի հավաքականը, քանի որ ներկայումս այդտեղ հանդես են գալիս այդ երկրի հավաքականի եւս երկու ֆուտբոլիստներ՝ Լուկա Մոդրիչը եւ Մատեո Կովաչիչը։
