«Հայաստանում մարզվում են գեղասահքի ապագա չեմպիոններ» (տեսանյութ)
Իրինա Ռոդնինայի գեղասահքի նորաբաց մարզադպրոցում առաջին վարպետության դասն է: Սահադաշտում ամերիկաբնակ գեղասահորդ Արի Զաքարյանն է, որն արդեն հասկացել է՝ այստեղ ապագա չեմպիոններ են մարզվում: Այս տարի գեղասահքի աշխարհի առաջնությանը կմասնակցեն նաեւ հայ մարզիկներ: Արի Զաքարյանի համոզմամբ՝ սա մեծ ձեռքբերում է։ Նա համոզված է, որ գեղասահքի նկատմամբ հետաքրքրվածությունը երբեք Հայաստանում չի մարել, պարզապես որոշ ժամանակ բավարար պայմաններ չեն եղել մարզվելու համար։ 1971թ.-ին հիմնադրված Երևանի գեղասահքի և տափօղակով հոկեյի մանկապատանեկան մարզադպրոցը վերջին տարիներին գտնվում էր խիստ անբարեկարգ պայմաններում, իսկ սահադաշտը տևական ժամանակ չէր գործում: Մասնագետները վստահ են, որ հայ պատանի գեղասահորդները բոլոր նախադրյալներն ունեն ապագայում միջազգային տարբեր մրցույթներում մեդալներ եւ տիտղոսներ նվաճելու։ Մանրամասները՝ տեսանյութում
