A
A
Արդեն երկրորդ տուփը՝ Հյուսիսային պողոտայում (լրացված)
22. 45 Ուշ երեկոյան Հյուսիսային պողոտայում կազմակերպված դրամահավաքն ավարտվեց: Երևանցիները Գյումրիի համար հանգանակեցին՝ 30 եվրո, 400 դոլար, 920 ռուբլի, 37.000 ռիալ, 1.200.680 դրամ:
..............
Երեւանի մեկ այլ կենտրոնում՝Հյուսիսային պողոտայում եւս անցկացվում է դրամահավաք։
Այս անգամ՝ Գյումրու 13 անօթեւան ընտանիքներին բնակարանով ապահովելու համար։
Դրամահավաքն ուղեկցվում է պարային տարբեր համույթների կատարումներով։
Մեզ հետ զրույցում՝ դրամահավաքի կազմակերպիչներից Արտուշ Չիբուխչյանը նշեց, որ շատերն են իրենց աջակցությունը հայտնում.«Արդեն երկրորդ տուփն ենք դրել՝դրամահավաքի համար»։
Հավելեց նաեւ, որ հնարավոր է այլ օրերին եւս կազմակերպեն դրամահավաք՝ ցույց տալով, որ Երեւանը Գյումրիի կողքին է։
........
