ՀՅԴ-ն ընտրեց նոր բյուրո

Հունվարի 16-24-ը Դիլիջանում գումարվեց ՀՅԴ 32-րդ ընդհանուր ժողովը։ Այս մասին գրում է yerakouyn.com-ը։ Ժողովը նախ լսեց, քննարկեց եւ արժեւորեց կուսակցության անցնող հաշվետու ժամանակաշրջանի գործունեությունը, ձեռքբերումներն ու թերացումները, ապա լրամշակման ենթարկեց առաջիկա քառամյակի համար ՀՅԴ քաղաքական ուղեգիծն ու ռազմավարությունը եւ արտաքին ու ներազգային ճակատների վրա գործունեությունն ու դիրքորոշումները՝ իր համահայկական եւ Հայաստանակենտրոն աշխարհայացքի հիման վրա։