A
A
Րաֆֆի Հովհաննիսյանը կրկին ավանդական շարֆով էր (տեսանյութ)
Այսօր մեկնարկեց «Ժառանգություն» կուսակցության տասներորդ համագումարը: Համագումարը ավանդույթի համաձայն մեկնարկեց ՀՀ պետական օրհներգով։ Իսկ մինչեւ մեկնարկը «Ժառանգության» առաջնորդ Րաֆֆի Հովհաննիսյանը շնորհավորեց հոկտեմբերի 27-ի զոհերից մեկի՝ Յուրի Բախշյանի ծննդյան օրը:
Բացման խոսքի փոխարեն Րաֆֆի Հովհաննիսյանը նախընտրեց կարդալ ՀՀ մի երիտասարդից ստացած նամակը։ Երիտասարդը հորդորում էր բոլորին վճռական լինել, պայքարել իրավունքների համար ու չհետեւել դավաճան առաջնորդին:«Կվերամիավորվենք, եթե ուզենանք, կվերակառուցվենք ու անգամ կվերածնվենք»,- ասված էր նամակում:
Ի դեպ, Րաֆֆի Հովհաննիսյանը ավանդույթը չէր խախտել նաեւ հագուստի հարցում՝ շարֆը կրկին նրա վզին էր:
