A
A
Պուտին-Փաշինյանը հանդիպումը սպասված է և անհրաժեշտ. Պեսկով
Աջակցիր «Ա1+»-ինՌուսաստանի նախագահի և Հայաստանի վարչապետի հանդիպումը անհրաժեշտ է և սպասված երկու կողմերի համար, այսօր լրագրողների հետ զրույցում նշել է Կրեմլի պաշտոնական ներկայացուցիչ Դմիտրի Պեսկովը։
Ռուսաստանի նախագահի մամուլի քարտուղարի խոսքով՝ Պուտին-Փաշինյան երկկողմ հանդիպումը կայանալու է այսօր երեկոյան։
«Մինչ այդ կայանալու է ԵԱՏՄ անդամ պետությունների գագաթնաժողովը, որի ավարտին ամփոփիչ փաստաթղթեր կստորագրվեն», - հայտնել է Պեսկովը։
Վարչապետ Փաշինյանն այսօր է աշխատանքային այցով մեկնել Ռուսաստան։ Մոսկվայում նրա նախագահությամբ տեղի կունենա Եվրասիական տնտեսական բարձրագույն խորհրդի նիստը։
Վերջին անգամ Նիկոլ Փաշինյանը Ռուսաստան էր մեկնել 2023-ի դեկտեմբերի վերջին, մասնակցել Եվրասիական տնտեսական խորհրդի նիստին։
