Կիմ Կլիյստերսը ութ տարի ընդմիջումից հետո կշարունակի կարիերան
Աջակցիր «Ա1+»-ինԱշխարհի նախկին առաջին ռակետ Կիմ Կլիյստերսը ութ տարի ընդմիջումից հետո կվերսկսի կարիերան։ 36-ամյա բելգիացի թենիսիստուհին այսօր կանցկանի իր առաջին հանդիպումը Դուբայի թենիսի մրցաշարում։
Վերջին անգամ նա կորտ դուրս էր եկել 2012թ օգոստոսի 29-ին, ԱՄՆ-ի բաց առաջնության 1/32 եզրափակիչում, երբ 0։2 հաշվով անակնկալ պարտվել էր Լաուրա Ռոբսոնին։
«Ինչով բացատրել իմ վերադա՞րձը։ Նման ցանկություն միշտ եղել է, սակայն այն թուլանում էր, երբ երեխաների հետ տանն էի լինում։ Տարեց-տարի այդ զգացումն ուժեղանում էր։ Ես խորհրդակցեցի ամուսնուս հետ։ Նա ասաց, որ պետք չէ անհանգստանալ, պարզապես պետք է փորձել վերադառնալ մեծ թենիս», - ասել է անվանի թենիսիստուհին։
Կիմ Կլիյստերսը ընդհանուր առմամբ նվաճել է 52 տիտղոս, այդ թվում 6-ը՝ «Մեծ սաղավարտի» մրցաշարերում։
Դուբայի մրցաշարին մասնակցելու համար կազմակերպիչները նրան հատուկ քարտ-բլանշ են հատկացրել։