17-ամյա Լիանա Գյուրջյանը՝ ծանրամարտի Եվրոպայի չեմպիոն
Աջակցիր «Ա1+»-ինԻսրայելի Էյլաթ քաղաքում ընթացող մինչև 15 և 17 տարեկանների ծանրամարտի 2019թ Եվրոպայի առաջնությունում Հայաստանի հավաքականը մրցումների նախավերջին օրը հինգ մեդալ նվաճեց:
17-ամյա Լիանա Գյուրջյանը աղջիկների +81 կգ քաշային կարգում 223 կգ (97+126) արդյունքով գրավեց առաջին տեղը և հռչակվեց Եվրոպայի չեմպիոն:
Մ-17 պատանիների 96 կգ քաշում մեր ծանրորդ Գարիկ Կարապետյանը զբաղեցրեց 2-րդ տեղը՝ երկամարտում գրանցելով 345կգ (155+190) արդյունք: Նա միայն զիջեց Ռուսաստանը ներկայացնող հայազգի ծանրորդ Արթուր Բաբայանին՝ 353 կգ:
Նույն տարիքային խմբում հանդես եկած 89 կգ քաշային ծանրորդ Գևորգ Ղահրամանյանը 331կգ (141+190) արդյունքով նույնպես զբաղեցրեց 2-րդ տեղը և արժանացավ արծաթե մեդալի:
Մ-15 աղջիկների գերծանր քաշում Եվրոպայի փոխչեմպիոն դարձան Ջուլիետա Ավանեսյանը, իսկ Մ-17 տարիքի 81 կգ քաշում արծաթե մեդալ նվաճեց Մարգարիտա Առաքելյանը:
Այսօր պայքարի կելնեն մեր ծանր քաշային ծանրորդները՝ Ալբերտ Թումանյանը Մ-15-ի +102կգ-ում, Պետրոս Պետրոսյանն ու Էդուարդ Մխոյանը՝ Մ-17-ի 102 կգ կարգում: