Բացել լրահոսը Փակել լրահոսը
A A
Հասարակություն

Մահճակալի ներքնակի տակից գումար է հափշտակել (տեսանյութ)

Օգոստոսի 10-ի երեկոյան օպերատիվ կառավարման կենտրոնից ոստիկանության Արաբկիրի բաժնում հաղորդում ստացվեց, որ երկու օր առաջ Նաիրի Զարյան փողոցի տներից մեկից գողություն է կատարվել: 

Դեպքի վայր մեկնած օպերատիվ խումբը պարզեց, որ օգոստոսի 8-ին ինչ-որ մեկը, որ հավանաբար լավ գիտեր տան նիստուկացը, մահճակալի ներքնակի տակից գումար էր հափշտակել:

Ձեռնարկված անհետաձգելի օպերատիվ-հետախուզական միջոցառումների արդյունքում քրեական հետախույզները պարզեցին, որ նշված գողությունը հնարավոր է կատարած լինի տանտիրոջ մտերիմներից` Ռյա Թազա գյուղի 31-ամյա մի բնակիչ:

Հաղորդումից ժամեր անց կասկածվողը Նաիրի Զարյան փողոցում հայտնաբերվեց և բերման ենթարկվեց ոստիկանության Արաբկիրի բաժին:

Հանգամանքները պարզվում են:
Փաստի առթիվ նախապատրաստվում են նյութեր: