A
A
Կարեն Ասրյանի հուշամրցաշարը հաղթեց 17-ամյա Շանթ Սարգսյանը
Աջակցիր «Ա1+»-ինԵրեւանում ավարտվեց շախմատի Կարեն Ասրյանի անվան 12-րդ հուշամրցաշարը:
Այսօր կայացած վերջին՝ 9-րդ տուրում, մրցաշարի միանձնյա առաջատար Շանթ Սարգսյանը ոչ-ոքի խաղաց գրոսմայստեր Հովիկ Հայրապետյանի հետ: Այդպիսով, 17-ամյա շախմատիստը վաստակեց 7,5 միավոր եւ պահպանեց առաջին տեղը:
Նրան հետապնդող շախմատիստներից երեքը՝ ուկրաինացի Վլադիմիր Օնիշչուկը, Հովիկ Հայրապետյանն ու Դավիթ Շահինյանը վաստակեցին 7-ական միավոր: Նրանք նույն հաջորդականությամբ բաժանեցին 2-4-րդ տեղերը: Հայաստանի լեգենդար շախմատիստ Ռաֆայել Վահանյանը 6,5 միավորով բաժանեց 5-9-րդ հորիզոնականները:
Հավելենք, որ Կարեն Ասրյանի անունը կրող միջազգային մրցաշարին այս տարի մասնակցեցին 8 երկրների՝ Հայաստանի, ԱՄՆ-ի, Գերմանիայի, Ռուսաստանի, Ուկրաինայի, Իրանի, ԱՄԷ-ի, Էստոնիայի 95 շախմատիստ:
