«Պետք է հարգենք Մխիթարյան-քաղաքացու որոշումը». Մաուրիցիո Սարի
Աջակցիր «Ա1+»-ինԼոնդոնի «Չելսիի» գլխավոր մարզիչ Մաուրիցիո Սարին այսօր կազմակերպված մամուլի ասուլիսում համաձայնել է այն կարծիքների հետ, որ նպատակային չէ Եվրոպայի լիգայի եզրափակիչ խաղի անցկացումը Բաքվում:
«Ես նույնն եմ զգում, ինչ «Արսենալի» ղեկավարները: Դա շատ մեծ խնդիր է երկրպագուների համար, ուստի լավ կլիներ, որ խաղը կայանար այլ վայրում: Մենք ամեն ինչ անում ենք նրա համար, որպեսզի բոլոր խաղերին շատ երկրպագուներ լինեն», - ասել է «կապույտների» մարզիչը:
Մաուրիցիո Սարին անդրադարձել է նաեւ «Արսենալի» հայազագի ֆուտբոլիստ Հենրիխ Մխիթարյանի խաղին չմասնակցելու խնդրին:
«Ափսոսում եմ, որ ստեղծվել է այդպիսի իրավիճակ, քանի որ շատ կուզեի, որ նա լիներ խաղադաշտում: Այս վիճակում պետք է հարգենք ոչ թե Մխիթարյան ֆուտբոլիստի, այլ՝ քաղաքացու կայացրած որոշումը», - ասել է իտալացի մասնագետը:
