Այսօր տեղական ժամանակով ժամը 13.30-ին Ստրասբուրգում տեղի կունենա ԵԽԽՎ Մոնիտորինգի հանձնաժողովի նիստ, որի օրակարգում է նաեւ Հայաստանի վերաբերյալ հարցը:
Հայաստանի հարցով զեկուցողներ Ջոն Պրեսկոտն ու Ժորժ Կոլումբիեն ներկայացնելու են իրենց երեւանյան' հունիսի 15-17-ի այցի արդյունքները: Նախատեսվում է կարծիքների փոխանակություն ընդդիմության ներկայացուցիների հետ, ինչպես նաեւ Հայաստանի դեմոկրատական ինստիտուտների գործառույթների վերաբերյալ նոր զեկույցի նախագծի ներկայացում:
Համազեկուցողների' նոր զեկույցի նախագիծը կդրվի քննարկման հունիսի 24-ի ԵԽԽՎ լիագումար նիստի ընթացքում: Ի դեպ, Մոնիտորինգի հանձնաժողովը Հայաստանին կանդրադառնա նաեւ հունիսի 24-ի կեսօրի նիստում' մինչ ԵԽԽՎ լիագումար նիստը:
